وأول ما تبحث عنه العين بالطبع بلدك أين تكون ..إلى أي مرتبة وصلت أو... نزلت
وإلى أي حال آلت حرية الصحافة فيها
بصراحة كانت صدمة شوية ..المفروض ان احنا مصر بعد الثورة اللي المفروض برضه نجحت
برغم كل اللي احنا فيه .. يعني كنت بامني نفسي في تحسن ولو طفيف
عبيطة ..مش كده!
بس ما تخيلتش ان الحالة اتدهورت كده!
مصر نزلت 39 مرتبة لتحتل المرتبة 166..39 مرتبة بعد الثورة
أمال لو مكناش عملنا الثورة كان إيه بقى حالنا؟
ونيجي نقول الثورة مستمرة يزعلوا ونيجي نقول حاجات كتير بوظوها بدل ما يصلحوها يستغربوا
ويقولوا ما خلاص بقى متبقوش طماعين كده مطالبكوا كلها اتحققت!
ونيجي طبعا نبص على حبيبتنا اللي سبقتنا ويظهر كده انها حتفضل سبقانا علطول
تونس .. مش مفاجأة طبعا..تونس ارتفعت 30 مرتبة
احنا نزلنا 39 وتونس طلعت 30
دمكم اتحرق كفاية والا تاخدوا دي كمان
تفتكروا مين الدولة العربية الأولى في حرية الصحافة
"موريتانيا " تحتل المرتبة الأولى ووصلت للمرتبة 67 على العالم يعني بينا وبينها 99 مرتبة
لأ بسيطة..
يأتي بعدها الكويت ولبنان وتتوالى الدول العربية اللي كلها قبلينا طبعا
حد يصدق ان دول الخليج , ما عدا البحرين طبعا, تسبقنا
زعلانين ان العراق نزل 22 مرتبة بس وصل للمرتبة 152 يعني برضه أعلى مننا
يعني اعتقد ان ده دليل بسيط إلى ما آل إليه حالنا
نهديه للي فرحان قوي وبيقول ما خلاص يالابينا نحتفل
التقرير فيه مفاجأة أخرى وهي تراجع بعض الدول اللي بتقول عن نفسها ديمقراطية
وعلى رأسها طبعا حامية الديمقراطية في العالم
أميركا تراجع تصنيفها بـ27 مرتبة لتحتل المرتبة الـ47 إثر اعتقال عدد كبير من الصحافيين،
كانوا يغطون مسيرات احتلال (وول ستريت)
وده برضه دليل بسيط على ان الديمقراطية عند هؤلاء رداء يضيق ويتسع حسب اهوائهم ومصالحهم
فيكون الشعار "الديمقراطية حسب الطلب"
ودليل ان امريكا ليست مع الثورات ولم تساندها ابدا
أمريكا فقط مع مصلحتها ..تساند فقط من يحققها ..
ليست هناك تعليقات:
إرسال تعليق